আজি ৰাষ্ট্ৰীয় চিকিৎসক দিৱস। সমগ্ৰ ভাৰতবৰ্ষত ১ জুলাইৰ দিনটোক ৰাষ্ট্ৰীয় চিকিৎসক দিৱস হিচাপে পালন কৰা হয়।
চিকিৎসক সকলৰ সমাজৰ প্ৰতি থকা অৱদান সৰ্বজনবিদিত।সেয়েহে চিকিৎসক সকলৰ জনতাৰ প্ৰতি কৰা ত্যাগলৈ সন্মান জনাই পহিলা জুলাইৰ দিনটোত ৰাষ্ট্ৰীয় চিকিৎসক দিৱস হিচাপে উদযাপন কৰা হয়। বিশেষকৈ ক’ভিডৰ প্ৰথমটো লহৰৰ পৰা এতিয়ালৈ সমগ্ৰ দেশৰ চিকিৎসক সমাজে দিন ৰাতি একাকাৰ কৰি নিজৰ কৰ্তব্য সম্পাদন কৰি আহিছে। আনকি বহু চিকিৎকে জনতাৰ সেৱাত ব্ৰতী হৈ মৃত্যু পৰ্যন্ত আকোৱালি লৈছে। তেনেক্ষেত্ৰত সমাজৰ প্ৰতিটো স্তৰৰ ব্যক্তিয়ে মানৱ সেৱাৰ সৈতে জড়িত চিকিৎসক সকলৰ প্ৰতি কৃতজ্ঞতা প্ৰকাশ কৰাটো নিতান্তই প্ৰয়োজনীয়।
পশ্চিম বংগৰ প্ৰাক্তন মুখ্য মন্ত্ৰী ডা০ বিধান চন্দ্ৰ ৰয়ৰ মৃত্যু তিথি উপলক্ষে ১ জুলাইৰ তাৰিখটোক ৰাষ্ট্ৰীয় চিকিৎসক দিৱস হিচাপে পালন কৰি আহিছে সমগ্ৰ দেশবাসীয়ে।
প্ৰধানমন্ত্ৰী নৰেন্দ্ৰ মোডীয়ে চিকিৎসক সমাজৰ চিকিৎসক সকলৰআজি বিয়লি ৩ বজাত ভিডিঅ’ কনফাৰেঞ্চিঙ যোগে দেশৰ চিকিৎসক সকলক পোনপটীয়াকৈ সম্বোধন কৰিব।
