আজি শ্বহীদ জিণ্টু গগৈৰ মৃত্যু তিথি।
পৰাক্ৰমী জিণ্টু গগৈৰ সাহসীকতাৰ যুগজয়ী কাহিনী পঢ়ক
১৯৯৯ চনৰ কাৰগিল যুদ্ধ,শত্ৰুপক্ষক ৰুধিবলৈ আৰম্ভ হ’ল ভাৰতীয় সেনাৰ “অপাৰেচন বিজয়”।
সময় তেতিয়া ২৯ জুনৰ নিশা। খৱৰ আহিল পাকিস্তানী সৈন্যই এল অ’ চি পাৰ হৈ কালা পাহাৰত শত্ৰু সৈন্যই অৱস্থান কৰিছে। লগে লগেই গাৰহোৱাল ৰাইফলচৰ এমুঠি মান সহযোদ্ধাৰ সৈতে ৰণলৈ ওলাল কেপ্তেইন জিণ্টু গগৈ।
প্ৰথমে ছুটীত আছিল জিণ্টু গগৈয়ে। কিন্তু এনে অনাকাংক্ষিত খৱৰ বাবে ছুটি এৰি যুদ্ধ ক্ষেত্ৰলৈ ঢাপলি মেলিছিল গগৈ। অভিযানৰ সময়ছোৱাত সন্মুখীন হ’ল বুজন সংখ্যক পাকিস্তানী সেনা । সহজে হাৰ মানি যোৱা বিধৰ সৈনিক নাছিল কেপ্তেইন গগৈৰ উপৰি তেওঁৰ ৰণক্ষেত্ৰৰ সহযোগী।
পাকিস্তানী সৈন্যৰ পৰি চলিল ধাৰাষাৰ গুলিবৰ্ষণ। পিছ মুহূৰ্ততে কেপ্তেইন জিণ্টু গগৈৰ সতীৰ্থ টীমেও জনালে যোগ্য প্ৰত্যুত্তৰ। ঢলি পৰি বহু পাকিস্তানী সেনা। কিন্তু এনেতে শত্ৰু পক্ষৰ মেচিন গানৰ গুলিয়ে স্পৰ্শ কৰিলে ৰণুৱা জিণ্টু গগৈৰ নাভি। তথাপিও অসীম পৰাক্ৰমী বীৰ সৈনিকৰ দৰে গুলীবিদ্ধ অৱস্থাৰে দি গ’ল শত্ৰুৰ প্ৰতিটো গুলিৰ প্ৰত্যুত্তৰ। মৃত্যুৰ শেষ নিশ্বাস পৰ্যন্ত যুঁজি থকা জিণ্টু গগৈ অৱশেষত পৰৱৰ্তী দিনা ৩০ জুন তাৰিখে শ্বহীদ হ’ল।
আৰু আজি কাৰগিল যুদ্ধৰ শ্বহীদ জিণ্টু গগৈৰ মৃত্যু তিথি। ১৯৯৯ চনৰ আজিৰ দিনটোতে দেশ মাতৃৰ বাবে প্ৰাণ আহুটি দিছিল এই গৰাকী সুযোগ্য সন্তানে।
