অখিল গগৈক দোষমুক্ত নিয়াৰ আদালতৰ। চানমাৰি থানাৰ ১৩/১৯ নং গোচৰত অখিল গগৈৰ লগতে দোষমুক্ত ধৈৰ্য্য কোঁৱৰ, বিতু সোনোৱাল আৰু মানস কোঁৱৰো ।
আজিয়ে মুকলি আকাশৰ তললৈ আহিব শিৱসাগৰৰ বিধায়ক অখিল গগৈ। শেহতীয়া ভাৱে অখিল গগৈ চাবুৱা থানাৰ গোচৰত দোষমুক্ত হৈছিল কিন্ত দোষমুক্ত হোৱা নাছিল চান্দমাৰি থানাৰ গোচৰত। অখিল গগৈৰ আন তিনি গৰাকী সতীৰ্থ নিয়াৰ এই গোচৰত জামিন লাভ কৰিছিল যদিও দোষমুক্ত হোৱা নাছিল। অৱশেষত নিয়াৰ অন্তিমটো গোচৰত দোষমুক্ত হ’ল অখিল গগৈৰ লগতে আন তিনি গৰাকী সতীৰ্থ ক্ৰমে ধৈৰ্য্য কোঁৱৰ,মানস কোঁৱৰ আৰু বিতু সোণোৱাল।
অভিযোগৰ কোনো সঠিক তথ্য প্ৰমাণ নিয়াই আদালতত দাখিল কৰিব নোৱাৰাত যাৰ বাবে চাৰ্জ ফ্ৰেমিং প্ৰক্ৰিয়াতে অখিল গগৈৰ পক্ষত ৰায় প্ৰদান কৰিলে আদালতে।
অখিল গগৈৰ বিৰুদ্ধে নিয়াৰ দুটা গোচৰকে ধৰি মুঠ তেৰটা গোচৰ আছিল। অন্য গোটেইকেইটা গোচৰত মুক্ত হোৱাৰ পিছত চান্দমাৰি থানাত ৰোজু হোৱা মাওবাদীৰে জড়িত থকাৰ গোচৰত দোষমুক্ত হোৱা নাছিল ৰাইজৰ দলৰ সভাপতি তথা বিধায়ক অখিল গগৈ।
প্ৰায় ডেৰটা বছৰ কাৰাবন্দীত্বৰ পিছত আজিয়ে মুকলি আকাশৰ তললৈ আহিব অখিল গগৈ। যাৰ বাবে শিৱসাগৰবাসীৰ লগতে তেওঁৰ সমৰ্থক সকলৰ মাজত উচাহৰ ঢল বৈছে।
